Vervatoxê Komîsyonê Zîretî yê HDPyî Ridvan Turanî derheqê hêrişanê vera karkeranê serrwextî yê kurdan de eşkerayîyêke daye.

Eşkerayîye de ame vîrvistene ke Afyon karkerê kurdî semedo ke bi kurdkî qisey kerd maruzê hêrişê nîjatperestî bîyî û netîceya hêrişî de 7 karkerî birîndar bîyî. Eşkerayîye de dîya zanayene ke Walîyê Afyonî telefonê înan anêkerd û mesuldarîye ra rema. 

Turanî vat: ''No hêriş hêrişo verên nîyo. Mesuldarê nê hêrişê nîjadperestî îqtîdarê AKp-MHPyî yo ke tim partîya ma zî keno hedef. Hêriş netîceya polîtîka û ziwanê nefretî yê vera kurdan o. Tay selahîyetdarî zî nê hêrişan de kurdan sûcdar kenê. Ma nê hêrişan şermezar kenê. Semedo ke serebûtê winasênî reyna nêqewimîyê ganî îqtîdar cade nê ziwanê cîyakerî ra fek vera bido, asayîşê karkeranê serrwextî bêro girewtene û asayîşê cuya înan bipawîyo.''