Komîsyonê Kede yê Partîya Demokratîke ya Şaran (HDP) bi raporêk binpaykerdiş warê kede yê mabênê 1ê çeleyî û 30ê teşrîna verêne pare kerdî. Wekîlê HDPyî yê Êlihî Necdet Îpekyuzî rapor teqdîmê Wezîrê Karî û Asayîşê Sosyalî Vedat Bilginî kerd.

Rapor derheqê binpaykerdişanê heqanê ê warê kede, cînayetê karî û têkoşînê karkeran de doneyê roje bi roje ca genê. Reyna derheqê enflasyon û feqîrîye de zanayîş yeno parekerdene.

Derheqê binpayakerdişanê heqan û grevan ê ke mabênê 1ê çeleyî û 30ê teşrîna verêne de ameyî kerdene de nê zanayîşî ameyî dayene.

* Karkeran 60 rey qerarê grevî girewt û înan ra a18 grevî ameyî kerdene.

* Tewr tay 99 rey protestoyê karkeran raştê hêrişî ameyî û 460 kesî ameyî destbendkerdene.

* Goreyê raporê ÎSÎGî  1847 karkeran cinayetanê karî de dinyaya xo bedilnaye.

* Rîyê şertenaê ekonomî ra tewr tay 104 kesan cehd kerd ke xo bikişê. 76ê înan dinyaya xo bedilnaye.

* Netîceya binpaykerdişanê heqan de tewr tay 1436 karkerî birîndar bîyî

* Vera kedkaran tewr tay 801 binpaykerdişê heqan ameyî kerdene.

* Her menge nizdê 19 çalakîyî ameyî kerdene.