Heyetê Rayberdişê Merkezî yê HDPyî bi wesîleya serrgêra Darbeya 2ê Adara 1994î ya vera Partîya Demokrasî (DEP) eşkerayîyêka nuştekîye daye.

HDPyî eşkerayîya xo de ruho tarî yê serranê 90an sey 'terorîstî' pênase kerd û vat: ''28 serrî derbaz bîyî la fikr û hêrişê vera kurdan û temsîlkaranê kurdan qet nêvurîyayî. Eqsê ci nê hêriş û fikrî zêdîyayî û sîyaseto demokratîk ame hedefkerdene. Îqtîdarê AKP-MHPyî sey wextê Tansuye Çîller destpanêdayîşê wekilîye yê Semara Guzel wedarna. Şerm û xirabîya serranê 90an dibare bena. Senî ke 1994 de dest nîya wekilîyanê wekîlanê DEPî ser vera wekîla ma Semra Guzel zî heman çi ame kerdene.

Temamîya çîyanê ke 6 serran de vera partîya ma yenê kerdene nîşaneya bêçaretîya mekanîkê darbe yê. Darbeya 4ê Teşrîna Peyêne, tepişîyayîşê Leyla Guven û Musa Farisogullari, wedarnayîşê destpanêdayîşî yê Semra Guzel, Dewaya Kobanê do peynîya darbekaran bîyarê. Her ke ê darbe kenê sîyasetê kurdan beno pîl. Ne Leyla Zana, ne Ahmet Turk, Orhan Dogan, Hatîp Dîcle, Sirri Sakik û Mahmut Alinakî sereyê xo ard war. Embazê ma zîndanan de xo ver danê. Senî ke aktorê Darbeya 94î bin kewtî, darbekarê nikayênî zî do bin bikewê.''