Buroyê Çapemenîye yê HDPyî bi eşkerayîyêke da pêhesnayene ke  ê  deklerasyonê xo yê xerîtaya rayîrî do roja dişemeyî eşkera bikerê.

Eşkerayîye de ame vatene: ''Deklerasyono ke xerîtaya rayîrê ma yê ewroyî ra tepîya tede ca geno, ma do 27ê êlule de eşkera bikerê.''

Deklarasyon do hetê Hemserekanê Pêroyî yê HDPyî ra bêro eşkerakerdene. Deklerasyono ke semedê çareserîya problemanê esasîyan yê Tirkîya perspektîfê ci estê saeta 11:00 de do Otêla Hîltonî de bi aktîvîteyêke bêro eşkerakerdene.

Pardarê têkoşînî yê sey KCD, HDK û partîyê pabesteyê ci zî do tewrê aktîvîte bibê.