Vervatoxa Heyetê Cinîyan ê Îdareyan ê Herêmîyan ê HDPyî Hedîye Karaaslan derheqê operasyonanê qirkerdişê sîyasîyî de eşkerayîyêka nuştekîye daye.

Karaaslane îfade kerd ke îqtîdarê AKP-MHPyî des rojan de 1000 kesî destbend kerdî û viste vîrî ke Hemşaredara Cizîre Bêrîvane Kutluya ke herinda ci de qeyûm ame tayînkerdene heta nika 4 caran ameye destbendkerdene û tewr peyên polîsan ci rê gef wend ke wa welat bitrerikna.

Karaaslane pare kerd ke îqtîdar û qeyûmê ci hêverî cinîyan û dezgehê cinîyan kenê hedef û hêrişê sîstemê hemserekîye kenê. Karaaslane eşkera kerd ke heta nika 19 hemşaredarê cinîyî ameyî 'esîrgirewtene' û hema zî 7 hemşaredar û endamê meclîsî tepişte yê.

Karaaskane vat: ''Ma heta nika verê polîtîkaya dişmenîya cinîyan, hêrişanê vera sîstemê hemserekîye de sereyê xo nêard war û ma do nêarê. Ma do sey cinîyan têkoşînê xo dewam bikerê. Wa bizanîyo ke Bêrîvane Kutlu îradeyê şar û cinîyanê Cizîre ya. Bêrîvane Kutlu û embazê ma yê bînî ganî cade bêrê veradayene.''