Heyetê Îdareyê Merkezî yê HDPyî bi wesîleya serrgêra Komployê 9ê Teşrîna Verêne eşkerayîyêke daye.

Eşkerayîye de wina ame vatene:

''Netîceya Komployê Mîyanneteweyî de bi hemkarîya hêzanê emperyalîstan û welatanê herêmîyan 9ê Teşrîna Verêne ya 1998î de Birêz Abdullah Ocalan amebi esîrkerdene. Tecrîdê vera Birêz Ocalanî bi netîceyanê girîngan ê sîyasîyan 24 serrî yo dewam keno.

Tecrîdê vera Ocalanî yeno manaya binpaykerdişê qanûnan. Yew terefo exlaqî û huqûqî yê tecrîdî çin o. Na polîtîkaya tecrîdî zî sey Rejîmê Taybetî yê Îmraliyî pênase bena, Tirkîya visnena mîyanê krîzî. Tecrîd de israr şer, xizanî, sansur, teeda û kolonyalîzmî xorin kerdo.

Îqtîdar bi tecrîdî keno ke komelî bi temamî bêveng bikero, sîyasetê şerî ano ca û netîceya nê sîyasetî de zî şaran keno dişmenê pê. Îqtîdar pê tecrîdî xîret keno ke îqtîdarîya xo rê dewam bikero û meseleya kurdan bêçare verdeno. Tecrîd vera demokrasî û haştîye hêrişêk o. Heta ke tecrîdê vera Ocalanî nêro şiknayene mumkîn nîyo ke na ablûqaya ke komelî bêhelm verdena, biqeda. Ma Komployê 9ê Teşrîna Verêne şermezar kenê û venga hêzanê demokrasî, roşnvîr, hunermend, nuştox û demokratan danê ke vera tecrîdî wurzê we.''