Hemvervatoxanê Koalîsyonê Heqanê Merdiman û Huqûqî yê HDPyî Nuraye Ozdogan û Serhat Erenî bi eşkerayîyêke pawitoxê heqanê merdiman Tahîr Elçî serrgêra 7 ya qetilkerdişê ci de yad kerd.

Eşkerayîye de wina ame vatene: ''Serekê Baroyê Amedî Tahîr Elçî dima ke fikrê xo ardî ziwan hetê medyaya îqtîdarî ra ame hedefkerdene û 28ê teşrîna peyêne ya 2015î de ame qetilkerdene. Heyetê mehkeme waştişê seba roşnîkerdişê suîkastî red kerdî. No zî mojneno ke verê eşkerabîyayîşê raştîyan û mesuldaran de mehkeme bîye astenge.

Proseso ke Tahîr Elçî tede ame qetilkerdene bi prosesê destpêkerdişê wextê kaotîk û tarî yê Tirkîya. Hêzanê ke o qetil kerd, ê vera şarê Tirkîya sey koalîsyonêkê xirabîye ewro dewam kenê.''

Peynîya eşkerayîye de Tahîr Elçî ame yadkerdene û ame parekerdene ke ê do heta peynî têkoşînê Elçîyî teqîb bikerê.