Sefsefîranê Amerîka, Fransa, Almanya, Hollanda, Swêdi Norweç, Fînlandîya, Danîmarka, Kanada û Zelandaya Newîye bi eşkerayîyêke waştbi ke karê merdimî Osman Kavala wa bêro veradayene. Naye ra dima Serekkomarê Erdoganî nê sersefîrî sey merdimê ke nêwazîyenê îlan kerdbî.

Hemserekanê Pêroyîyan ê HDPyî Pervîne Buldan û Mîthat Sancarî bi eşkerayîyêke vera bira Erdoganî nêrazîbîyayîşê xo mojna û pare kerd ke welato ke cîrananê xo de hol pênêkeno tim mîyanê krîzan de yo, pereyê ci bêqîmet beno û çimeyanê xo semedê şerî xebitneno ganî dişmenîyêka newîye medo destpêkerdene.

Hemserekan vat: ''Vîrvistişê caardişê qeraranê MHME dezgehê muhakemekerdişî rê mudaxele nîyo. Rejîm xîret keno ke pê krîzanê sunîyan rewşa xo ya xirabe ra bixeliso. Krîzê sersefîran dûştê menfaranê şarê ma yo û xîretê nimnayîşê krîzan ê nikayênan o. Bedelê nê kerdişan rejîmî do şar bido.''

Eşkerayîye de heqaretê ke Erdoganî Selahattîn Demîrtaş û cinîya ci Başake Demîrtaş rê kerdbî zî ameyî şermezarkerdene.