Heyetê Rayberdişî yê Merkezê HDPyî bi eşkerayîyêke nuştekîye vera operasyonê qirkerdişî mesajê pîlkerdişê xoverdayîşî da û bale ante muhîmîya têkoşînê hemparî ser.

Eşkerayîye de nê ameyî vatene: ''Îqtîdar wazeno ke têkoşînê demokratîkî çîn bikero. Sere de HDP heme partîyê ke sîyasetê muxalîf û demokratîkî rayra benê, sendîka, komele, grûbê bawerî, rêxistinê cinî û ciwanan werte ra wedarê û nuştox, roşnvîr û hunermendanê wayîrê vîjdanî bi destê hukmî bêveng bikero. Şexsê partîya ma de heme kesê ke têkoşînê demokrasî û edaletî rayra benê yenê hedefgirewtene. Ma bi têkoşînê hemparî eşkenê vera faşîzmê AKP-MHPyî ke welatî tarîtîye rê kaş keno, ser bikewê.

Ma sey Heyetê Rayberdişî yê Merkezî vera nê hêrişan kom bîyî xarîtaya rayîrî bewlî kerde ke do detayê ci dima bêrê parekerdene. Ma nika ra îlan kenê ke têkoşînê demokrasî û azadîye do ser bikewo. Ma bi na bawerî veng danê heme hetanê bindestan ê cografyaya ma ke heta ke HDP bibo do hêvîya edalet, demokrasî û azadîye sereberz payra bo. Ma meydan wanenê! Vera faşîzmî ma do xover bidê û pêro pîya demokrasî û edaletî bîyarê welatî.''