Heyetê Rayberdişî yê Merkezê HDPyî vera cezaya 22 serran a ke diyaye Hemsereka KCDyî Leyla Guven eşkerayîyêke daye û nêrazîbîyayîş ramojna.

Eşkerayîye de nê ameyî vatene: ''Par bi tewirê bêhuqûqîye wekîlîya Hemsereka KCDyî û Wekîla ma ya Colemêrgî Leyla Guven ameye wardayene. Cezaya 22 serran û 3 mengan a ke ewro dîyaye Guvene netîceya huqûqê dişmenîye ya. Nê qerarî reyna ramojna ke dezgehê huqûqî goreyê waştişê hukmatî têgêrenê. No qeraro dişmenkî têna vera Leyla Guven û KCDyî nê vera heme kurdan  û muxalefetî yo.

Leyla Guvena ke merdima mucadeleyî ya emrê xo semedê haştiya da. Ceza û tepiştişan ne Leyla Guvene nê zî ma mucadleyî ra fînenî dûrî.

Kongreya Komelê Demokratîkî (KCD) ya ke Leyla Guvene hemsekîya ci kena  dezgehêko demokratîk û sîvîl o ke wextanê tewr krîtîkan de seba ke na herre bireso haştîye rol geno. KCD muxatabê muzakeraynê demokratîkan û cehdkerdişê haştîye û çaresî yo. îqtîdarî bi nê qerarî fîna çiman ver ke çareserî nêwazeno. Ê bi krimînalîzekerdişê KCDyî karo betal kenê. Çîyê winayên zaf rey ameyî ceribnayine û çirey netîce nêgirewt. Her hêrişê vera mucadeleyê heq û huqûqî yê kurdan hetê şarî ra tim cewabê xo girewto.

Ma na cezaya bêhuqûq û dişmenkîye nas nêkenê.''