Heyetê Rayberdişê Merkezî yê HDPyî derheqê hêrişanê îşxalî yê dewleta tirke yê vera Rojawanî de eşkerayîyêke daye.

HDPyî da zanayene ke ê do derheqê hêrişan de bi hawayêkê îstîsnayî bêrê yewca û vat: ''Kobanê  û herêmê bînî yê Rojawanê Kurdîstanî bi bahaneya hêrişê Taksîm-Îstîklalî dîyayî bombayan ver. No îqtîdar wazeno çîyo ke DAÎŞî nêmcet verdabi bikero. Rojawanê Kurdîstanî seba Tirkîya gefêk nîyo. Nê hêrişî do Tirkîya asayî nêkerê eqsê ci tehlukeyan do bizêdînê. Ganî hêrişî cade vinderê. AKP-MHP xîret keno ke emrê xo derg bikero. Vera nê hêrişan wa her kes vengê xo berz bikero. Ma venga hêzanê demokratîkan û terefgîranê haştîye danê ke nê hêrişan şermezar bikerê û vengê xo berz bikerê.''