HDPyî pare kerd ke cinîya bi nameyê Z.N.ya ke bi zor û zehmetîye Îranî ra xo resna Wan, hêzanê dewlete tecwuzê ci kerd. HDPyî seba paştdayîşê  Z.N. veng da.

Hemvervatoxanê Komîsyonê Koçber û Multecîyan ê HDPyî Gulsume Agaoglu û Velî Saçilikî derheqê mesele de eşkerayîyêka nuştekîye daye û vat: ''Ma vengê cinîya multecîye yê ke Tirkîya de ci rê tecawuz ame kerdene û neçare mende ke abigêra Îranî.

Z.N.ya ke Îranî ra kewt rayîr û bi zor û zehmetî xo resna Wan dimake Otogarê Wanî de amebî destbendkerdene, ameye berdene bi Merkezê Agêrîyayîşî yê Asayîşî. Tîya de xeylêk wezîfedaranê asayîşî yê dewlete xeyêk reyan tecawuzê Z.N. kerd. Z.N. bi tersa ke  bierşawîyaya Îranî wextêk bêveng mend la 24ê temmuza 2020î de bi rayîrê açernayoxî gerre kerd. Wezîfedarê asayîşî bi sûcdarîya tecawuzî ameyî tepiştene.

26ê teşrîna peyêne de Edlîyeyê Wanî de roniştişê dewaya Z.N esto la Z.N. vînbîyaye ya. Avûkat Mahmut Kaçan vano ke Z.N. agêraya Îranî. Rojnamegero ke xebera mesele kerde vano 'seba ke zanayêne Îran de dest nêerzîyeno namusê ci agêraye Îranî.'

Eke no raşt o eke Z.N. Îrano ke 40 serran ra nata cinîyî seke tede esîr ê Tirkîya ra zêdêr biasayîş vînena na yena a mana ke ma mîyanê dengizêkê pûçî de yê. O çax qirîyayîşê cinîyanê ke vanê 'dewlete tecawuzker a' bîlasebeb nîyo.''

HDPyî eşkerayîye de seba  paştdayîşê Z.N. veng da.