HDP: Operasyonê mafyawarî yê

Hetkarê Hemserekanê HDPyî Umît Dedeyî vera operasyonanê qirkerdişê sîyasîyî nêrazîbîyayîşê xo mojna û vat: ''Nê operasyonî operasyonê mafyawarî û korsan ê.''

Hetkarê Hemserekan ê Komîsyonê Huqûq û Heqanê Merdiman ê HDPyî ra Berpirsîyar Umît Dedeyî derheqê operasyonanê qirkerdişê sîyasîyî yê Îstanbul, Îzmîr, Anqara, Amed, Şirnex, Wan, Êlih, Adana, Mersîn, Antalya û Mêrdînî de eşkerayîye daye.

Dedeyî vat: ''Dima ke Wezîrê Edaletî Gulî vat 'Wa edalet bêro hînî se beno wa bibo' 19ê ci avûkatî 942 kesî ameyî destbendkerdene û înan ra 11 kesî tepişîyayî. Polîsan bi hawayêkê mafyawarî û korsanî eşt bînaya HDPyî ya Wan û bînaya HDKyî ya Îstanbulî ser. Wezaretê Zereyî vatbi ke operasyonî hetê dozgerîyan ra bi koordîne ameyî kerdene. Bi nê hawayî înan îtîraf kerd ke hukmkerdişî binê fermanê îqtîdarî de yo.''

Dedeyî peynîya qiseykerdişê xo de vat ke rojêke xora edalet yeno ca û o çax qîyametê zaliman nîyeno ro.