HDPyî Paris de startê 'Kombîyayîşê Şarî' da. Hemsereka HDPyî Pervîne Buldan, Wekîlê HDPyî Feleknase Uca û Saît Dede û xeylêk sîyasetmedarê Ewropa tewrê kombîyayîşî bîyî.

HDP-Ewropa ser o Murat Ceylanî verî qisey kerd û dima zî Feleknase Uca vejîyaye kursî ser. Uca ard ziwan ke hişmendîya Lozanî Rojawanî kena hedef la ê do verê planan bigêrê.

Wekîlê HDPyî Saît Dedeyî zî kombîyayîş de qisey kerd û da zanayene ke kurdî hînî unsurê hemsengîye yê Rojhelatê Mîyanênî yê. 

Pervîne Buldan tewr peyên qisey kerd û vat: ''Ma sey HDPyî partîya xo se ra 10 ra girewte arde se ra 20an. Çunke HDP sîwana şaran a. Îqtîdar keno ke ma ecîz bikerê. La ma do hesabê nînan bipersê û qetî milê xo çewt nêkerê. Vera polîtîkayanê çokdayîşî ganî her kes paştî bido HDPyî. 20 serrî yo Îmrali de tecrîd esto ke no tecrîd sûcê vera merdimîye yo. Çareserî îdareyêko demokratîk o ke HDP zî ganî tede bibo. Ma deklarasyonê xo eşkera kerd û  peyê ci de yê. Hewceyê ma bi îdareyê neweyî esto. Şarê ma ganî xo semedê weçînayîşê verwextî amade bikero û her cade semedê ney xebatanê xo dewam bikero.''

Kombîyayîş pê çepik û sloganan qedîya.