Hetkarê Hemserekanê HDPyî Umît Dedeyî  derheqê veradayîşê polîsê kiştoxê Kemal Kurkutî de eşkerayîye daye û vat: ''Hêzê asayîşî yê ke bi zirxê bêcezaveradayîşî merdiman qetil kenê, hetê îqtîdarî ra pawîyenê û sey çêran yenê mojnayene. Na rewşe kiştoxanê bînan zî teşwîq kena.''

Dedeyî vist vîrî ke rojnamegero ke fotografê qetilkerdişê Kurkutî girewtî, ci rê cezaya zîndanî ya 20 serran yena waştene. Dedeyî vat: ''Na bire reyna haştîya komelî, edalet û wijdanê komelî qetil kerdî.''