Vervatoxanê Komîsyonê Heqanê Merdiman û Huqûqî yê HDPyî Nuraye Ozdogan û Serhat Erenî bi wesîleya serrgêra Qirkerdişê Vartînîsî eşkerayîyêke daye.

Eşkerayîye wina ya:

''Bajarekê Vartînîsî yê qezaya Korkutî yê Mûşî de 3ê teşrîna verêne ya 1993yî de hêzanê dewlete keyeyê Nasir Ogutî vêşna û 7ê ci domanî 9 ferdê keyeyî qetil kerdî. 29 serrî yo xîretê seba nimnayîşê nê qirkerdişî dewam kenê.

Mehkemeya Cezaya Girane ya Kirikkale ya ke ewnîyena na dewa, seba ke kerdoxan ceza nêkera û dosya terkê wextvîyartişî bikera xîret kena. 90an ra nata sûcanê vera kurdan de îqtîdar seba ke kiştoxî ceza nêgêrê, serebûtî bêrê nimnayene têgêra. Mehkemeyan rixmê delîlan zî ya bi bêcezaverdayîşî xelate daye yan zî dewayî terkê wextvîyartişî kerdî.

Dewaya Qirkerdişê Vartînîsî 3yê teşrîna verêne ya 2023yî do raştê tehlukeyê wextvîyartişî bêra. Îqtîdaro nikayên faîlan paweno û xelate dano înan.  

Ma na rewşe qebul nêkenê. Ma do destûr nêdê ke muhakemekerdişê qirkerdişî terkê wextvîyartişî bibo.''