Heyetê Rayberdişê Merkezî yê HDPyî bi wesîleya serrgêra operasyonanê KCKyî de eşkerayîyêke nuştekîye daye.

HDPyî vat: ''14ê nîsana 2019î de bi nameyê operasyonanê KCKyî hêrişê qirkerdişê sîyasîyî dîyabî destpêkerdene. Ewro zî na hişmendîya kumpas û derbekare dewam kena. Serrgêra operasyonanê KCKyî de, vera partîya ma û sîyasetê demokratîkî bi nameyê 'Operasyonanê Kobanê' hêrişî yenê kerdene, no zî nîşaneyê bêçaretî û tersnakîya îqtîdarî yo.

Serra 2009î de sîyasetê demokratîkî vatbi 'Ma do xo zî şaristanê xo zî îdare bikerê' û weçînayîşan de serkewtişêko pîl vistbi destî. Vera nê serkewtişî operasyonê KCKyî ameybî kerdene û xeylêk endamê ma ameybî tepiştene. Nê dewayî dima erzîyayî milê Cematî la ewro îqtîdar nê operasyonan rê dewam keno. Bi hemkarîya sûcanê AKP û Cematî bi desan merdimî xîretê darbe de merdî, sîstemê Rewşa Îstîsnayîye bi se hezaran merdimî mexdûr kerdî û rejîmê tekperestî yê Tirkîya tarîtîye arde.

Ewro zî heman feraset dewaya Kobanê de xo mojnena ra. AKP ewro zî bi hemkarîya MHPyî sûcanê xo rê dewam keno. Pêro kelayê destê îqtîdarî qedîyayî, qetî peynîya nê îqtîdarî do bêra. Nê operasyonê KCKyî û dewayanê sey Kobanê do nêeşkê ma vindarnê. Ma do rayîrê xo de dewam bikerê. Bi na wesîle ma pêro sîyasetmedar, endam û îdarekaranê partîya xo û şarê xo selam kenê. Tewirê înan rûmetê ma yo.''