Heyetê Rayberdişê Merkezî yê HDPyî derheqê serrgêra Komployê Mîyanneteweyî ya 9ê Teşrîna Verêne de eşkerayîyêke daye û pare kerd ke tecrîdê vera Îmraliyî hêrişê vera hêvîya çareserîye ya şaran o.
Heyetê Rayberdişê Merkezî yê HDPyî derheqê serrgêra Komployê Mîyanneteweyî ya 9ê Teşrîna Verêne yê vera Rayberê Şarê Kurdî Abdulah Ocalanî de eşkerayîyêke daye.
Eşkerayîye de ame vatene ke komplo şexsê Ocalanî de vera ameyoxê kurdan û şaranê Rojhelatê Mîyanênî bi. Eşkerayîye de wina ame vatene: ''No plan bi sebebê qewimîyayîşê meseleyan ke tesîrê nê meseleyan hema zî dewam keno.''
HDPyî îfade kerd ke no plano mîyanneteweyî serrgêra 22. de bi tecrîdê mutlaqî dewam keno û wina dewam kerd: ''Bi hawayêkê bêhuqûqî nêno destûrdayene ke Ocalan keye, avûkatan û rayaumûmîye reyde fikranê xo pare bikero. Tecrîdê vera Ocalanî ewro pêrp welatî ra vila neno û komel bênefes verdeno. tecrîdê vera Îmraliyî hêrişê vera hêvîya çareserîye ya şaran o. Vera a hîşmendîya ke wazena komel bêpawitiş verado û şaran bido şerkerdene, ma do cuya hempare û Komara Demokratîke bipawê.''
