Hemserekanê Pêroyî yê HDPyî Pervîne Buldan û Mîthat Sancarî pîya bi heyetêkî çarçewa pêvînayîşanê muhalefetî de CHP zîyaret kerd. Hemserekan badê pêvînayîşî Hemserekê Pêroyî yê CHPyî Kemal Kiliçdaroglu reyde kombîyayîşê çapemenîye kerd.

Kemal Kiliçdarogluyî vat: ''Hewceyê werêameyîşî esto. Ma pêrodayîşan ra zaf dejî antî. Wa hinî herindê şeran de haştîye bibo. Ganî ma bêrê têhet û pîya qisey bikerê. Na çarçewe de ma meseleyê Tirkîya girewtî dest. Birêz hemserekan fîkrê xo vatî, ma zî fîkê xo vatî. Xora ma sey yewbînan nêfikîrîyene la semedê ma her fikr ercjaye yo. Şima reyna xeyr ameyî, ma şima rê spas kenê.''

Pervîne Buldan vat: ''Ma ameyî merheleya peyên a zîyaretanê xo yê partîyanê sîyasîyan. Ma serê sibayî Partîya DEVA zîyaret kerd nika heyetê Kiliçdarogluyî reyde ameyî têhet. Xora derheqê meselayanê esasyîan de her partî fîkrê xo vana. Ma zî ewro wina kerd. Semedê çareserkerdişê meseleyan îdareyo newe hewce keno.Vîjnayîş de do îdareyê welatî bibedilîyo. Ma reyna seba ke heyetê ma qebul kerd birez serekî rê spas kenê.''

Mîthat Sancarî zî vat: ''Ma cîya bifikîr zî semedê haştîya komelkîye ma wayîrê îradeyê hemparî yê. Eke ma wina mesaj bidê ma eşkenê pawitişanê komelî rê bibç cewab. Eke ma wina bikerê hem ma eşkenê nê îdareyî bidê war hem zî eşkenê ameyoxî serê esasanê demokratîkan de mîyanê haştîye de înşa bikerê. Coka manaya pêvînayîşan muhîm a. Ma sey HDPyî berpirsîyarîya xo anê ca û pêvînayîşan kenê.''