Hemvervatoxê Komîsyonê Multecîyan û Koçberan ê HDPyî Velî Saçilik û Temsîlkara Meclîsê Multecîyan û Koçberan ê HDKyî Zeynoye Bayramoglu derheqê krîzê şer û multecîyan ê şerê Ukrayna de kombîyayîşê çapemenîye kerd.

Saçilikî verî venga pêro terefan da ke şerê Ukrayna-Rûsya vindarnê û vera şerî tewir bigêrê. Saçilikî ard ziwan ke merdimê ke Ukrayna ra koçê welatanê bînan ê Ewropa kenê goreyê rengê çim, beden û neteweyanê xo gêrîyenê sînoranê nê welatî. Saçilikî vat: ''Têna sînoranê Polonya de nê, Yemen, Sûrîye, Lîbya û Afganîstanî ra merdimî zî terkê mergî benê û maruzê kerdişanê xiraban benê. Bombakerdişê vera Ukrayna û bombakerdişê vera Rojawanî heman çi yo. Menga vîyarte de 19 multecîyî sînorê Yunanîstanî de cemidîyayî, merdî. La nika Yunanîstan venga multecîyanê Ukrayna dana. Na dirîtî ya. Ganî dewletî bê cîyakerî sînoranê xo pêro multecîyan rê abikerê.''

Zeynoye Bayramoglu zî venga welatanê Ewropa da ke verî beranê xo cinî û domanan rê abikerê û têna seba ukraynayîjan nê seba pêro multecîyan wina bikerê. Seba ke şima nê şerî vetî mesuldarîyanê xo bîyarê ca.''