Meclîs de hela ke qanûnê înfazî yo ke tepişteyanê sîyasîyan mergî rê caverdeno ameyêne qalkerdene persê HDPyî 'wa Îdrîs Balulen bimiro' rê AKPyijan ra cewabê 'wa bimiro' ame vera naye vengê nêrazîbîyayîşan bi berz.
Serekwekîla Gruba HDPyî Merale Daniş Beştaş 9ê nîsane de gama ke Heyetê Pêroyî yê Meclîsî de derheqê qanûnê înfazî de qisey kerdene seba ke bale biance girîngîya reşwe ser wina pers kerd: ''Wa Îdrîs Baluken zîndana de bimiro?'' Rêza AKPyî ra vengê 'wa bimiro' ame.
Badê Beştaşe Serekwekîlê Gruba CHPyî Ozgur Ozelî ke qal girewt waşt ke kam ke vato 'wa Baluken bimiro' nameyê ci bêro eşkerakerdene la zabitname de o qisim nêamebi girewtene. Naye ser o Ozelî waşt ke qeyde qiseykerdişî bêro goştarîkerdene. Bado ke qiseykerdişan de no vatiş ame tesbîtkerdene zabitname de newe ra wina ame cakerdene:
Meral Daniş Beştaş: (Sêrt) Ez zî verê çimanê heme reyapêroyî de naye persena wa îdrîs Baluken zîndan de bimiro? (Rêza AKPyî vengê wa bimiro).
Dima ra Heyetê Pêroyî yê Meclîsî vatişê 'wa bimiro' bi sebebê munaqeşe. Serekwekîlê Gruba HDPyî Sarûhan Oluçî waşt ke nameyê nê kesî ke wina vato wa eşkera bo û persa ke ê do ey teşhîr bikerê ya nê. Ozgur Ozelî zî reyna qal girewt û vat vengê ameyo ey ke di kesan têdima vat 'wa bimiro'.
Hetê bînî ra medaya sosyale de vera vatişê 'wa Baluken bimiro' nêrazîbîyayîşî bîyî berzê. Şuxulnayoxanê medayaya sosyale ke vera AKPyî hêrsê xo ard ziwan Balukenî rê heskerdişê xo ramojna û waşt ke wa cade bêro veradayene.
