HDPyî binpaykerdişê heqan ê teşrîna verêne eşkera kerdî

Wekîlê HDPyî Omer Faruk Gergerlîogluyî raporê binpaykerdişanê heqan ê menga teşrîna verêne eşkera kerd.

Wekîlê HDPyî yê Kocaelî û Endamê Komîsyonê Heqanê Merdiman Omer Faruk Gergerlîıgluyî  raporê binpaykerdişanê heqanê menga teşrîna verêne eşkera kerd.

Rapor de nê binpaykerdişan cagirewt:

-17 sîyasetmedarê HDPyî bi baheneya serebûtanê Kobanê ameyî tepiştene.

-Zîndanê Elbîstanî yê Gumgumî de tepişteyo efrînij Muhammed Emîr merd.

-Zîndanan de qedexeyê mektubê bi kurdkî bi fîîlî dewam kenê.

-Zîndanê Sîlîvrî û Kayserî de vera vîrusê Korona tedbîrî nênê girewtene.

-Kerdişê xirabî û tedayî vera mexdûranê KHKyî dewam kenê.

-Şehrîbane Abî û Nazan Sala yê ke xebera îşkenceyê helîkopterî kerdbi ameyî tepiştene û înan rê zulm ame kerdene

-Kayo kurdkî yê bi nameyê 'Bêrû' ame qedexekerdene.

-Hemserekê HDPyî yê Amedî ameyî tepiştene.

-Polîsanê hêrişê merasîmê yadkerdişê qurbananê Qirkerdişê Garî kerd û xeylêk merdimî destbend kerdî.