HDPyî pê eşkerayîya çapemenîye Kampanyaya 'Kombîyayîşê Nan û Karî' Amed de daye destpêkerdene. Hetkarê Hemserekan ê Berpirsîyarê Komîsyonê Ekonomî yê HDPyî Garo Pyalanî, Berpirsîyara Komîsyonê Kede Şazîye Kose, Berpirsîyarê Komîsyonê Ekolojî Nacî Sonmez û wekîlê HDPyî Erol Katircioglu, Necdet Îpekyuz û Semra Guzel tewrê eşkerayîye bîyî. Eşkerayîya de bînaya HDPyî ya Amedî de ameye kerdene tede verî Paylanî qisey kerd.

Paylanî vat: ''Ma do sey komîsyonanê weşî, ked, polîtîka, ekolojî û zîretî 2021 de Kombîyayîşê Nan û Karî'  bikerê. Ma do goş bişdê derdanê cinî, kedkar, citkar û karkeran ser. Krîz û pandemî ra semed şar vêşan o. Qesre zî şarî gês ver verda û paştî daye terefgîranê xo. Îqtîdar vano ekonomî baş o la her çî zaf vay o. Bêkarî se ra 30 ra zêdêr a. Ma ewro do goş bidê karker, ctkar, mamosta û xebatkaranê Amedî ser. Ma do citkaran reyde dewan de, esnafan reyde kargehan de kombîyayîş bikerê û çareserîyan pêşkêş bikerê. Ma do nê meseleyan berê Meclîsî.''