Komîsyonê Huqûq û Edaletî ra Berpirsîyar Hetkarê Hemserekanê HDPyî Umît Dedeyî serrgêra 5. ya qirkerdişê ci de Kemal Kurkut yad kerd.

Dedeyî eşkerayîya nuştekîye de vat: ''Kemal Kurkut 21ê adara 2017î de wexto ke tewrê Newroza Amedî bibîyêne hetê polîsan ra 'bi gumanê bombayê gandarî' pey ra ame kiştene. Walîtîya Amedî ya ê çaxî vatbi ke 'keso ke waştêne çalakîya bombayê gandarî bikero, ame bêtesîrkerdene. La fotografê serebûtî her çi eşkera kerd.

A roje ra nata dewlete pê pêro erkanê xo polîsê vergumanî pawitî. Hêzanê çekdaran, Dezgehê Tipê Edlîyî, pêro dezgehanê dewlete seba ney xîret kerd. Peynî de derheqê polîsanê vergumanan de bira veradayîşî dîyaye.

Ma kiştoxanê Kurkutî şermezar kenê. Ma Kemal Kurkut bi bêrîkerdişî yad kenê, şexsê ey de ma soz danê pêro ciwananê xo ke têkoşînê demokrasî û haştîye geş bikerê û înan rê welatêk û dinyayêke awan bikerê.''