Hetkarê Hemserekanê HDPyî yê Ekonomî ra Berpirsîyar Gar Paylanî Meclîs de nameyê Merkezê Koordînasyonê Krîzî de Pakêta Tedbiranê Ekonomîkan ê Lezabezan a HDPyî eşkera kerde.

Pakêta HDPyî de nê 6 madeyî ca gênê:

-Awe, gazo tabî, ceyran û înternet bêpere bêrê dayene.

-Çimeyê ke do citkaran bipawê wa ronîyê.

-Kesê ke meaşê asgarî kenê wa bac medê.

-Wendekaranê zanîngehî rê bêbedel qasê 2 hezarî burs bêro dayene.

-Deynê banka û bacan ê esnafan wa bêfaîz newe ra bêrê viraştene.

-Hemwelatîyanê bêameyeyan rê meaşo asgarî wa bêro dayene.

Paylanî qiseykerdişê xo de zî pare kerd ke budçeya şarî herinda qesre de wa bêra dayene şarî. Paylanî da zanayene ke ê do pakêta xo ewro pêşkêşê Komîsyonê Budçe-Planî yê Meclîsî bikerê.

Paylanî waşt: ''Wa pêro tedbîranê pakêta ma bêrê caardeen û pêro partîyî zî paştî bidê pakêta ma. Wa her kes bizano ke nê tedbîrî zî encax bieşkê birîne derman bikerê. Heta ke rejîmê tekmerdimî dewam bikero sifreyê ma ra pironêkê nanî do bikêmîyo. Ma sey HDPyî anê ziwan ke wa îqtîdar cade îstîfa bikero û weçînayîş bêro kerdene. Nêbo nê îqtîdarî reyde her roj rizqê ma do bikêmîyo.''