Berpirsîyara Komîsyonê Şaran û Îttîqatan ê Partîya Demokratîke ya Şaran (HDP) Tulay Hatîmogullari derheqê Qirkerdişê Meletî de eşkrayîyêke daye û  qurbanî yad kerdî û nê vatî:

''17ê nîsana 1978î de şaredarê Meletî Hamît Fendogluyo ke reya verêne hetê raştgiran ra ame weçînayene bi bombayêkê pê kargo ci rê ame şawitene cuya xo vînî kerd. Badê na serebutî bajaran û qezayanê dormeyî ra bi hezaran kesan verê xo da Meletî. Nizdê 20 hezaran faşîstî ban û cayê karê ke berê ci ameybî nîşankerdene textîp kerdî û dayî adir verî. Hezanê asayîşî bi rojanê hêriş û qirkerdiş teqîp kerd vera ci çîyêk nêkerd. Qirkerdişo ke  8 ganê ma ameyî qetilkerdene û bi desan hemwelatijê ma zî birîndar bîyî dejê ci hema zerrîya ma de yo.

Badê qirkedişî zafê elewîyî neçar mendî ke  Meletî ra vejîyê. Qirkerdişê Meletî bi provaya Qirkerdişê Mereşî. Qikerdişê Koçgîrî, Dêrsim,  Meletî, Sêwas, Mereş, Çorum, Madimak û Gazî netîceya eynî zîhnîyetî de ameyî kerdene. Nê hêrişî leteyê polîtîkayê dewlete yê vera kurdan û elewîyan ê. Ganî qirkerdişî de bêro têrî û elewîyan ra êfu bêro waştene.  Ma serrgêra qirkerdişî yê 42 de gananê xo yê ke ameyî qetilkerdene bi hurmet yad kenê û qirkerdişî şermezar kenê.''