HDPyî bire daye ke semedo ke budçeya demokratîke û têdûşte bêra viraştene Tirkîya û Vakurê Kurdîstanî de 'Kombîyayîşanê Budçe' bikero. HDPyî startê 'Kombîyayîşanê Budçe' Agirî de da.

Eşkerayîya çapemenîye ra verî Berpirsîyarê Komîsyonê Ekonomî yê HDPyî Garo Paylan, Berpirsîyara Komîsyonê Kede ya HDPyî Şazîye Kose, Wekîla Îzmîrî Serpîle Kemalbay, Wekîlê Êlihî Necdet Îpekyuz, Wekîla Agirî Dîlane Dîrayet Taşdemîr û endamê û îdarekarê HDPyî bazarê heywanan de şar û heywandaran reyde ameyî têhet.

Şarî vist vîrî ke eke Agirî de heywankarîye biqeda şar zêdêr do xizan bibo. Heywankaran bale ante vaya hewcedarîyanê heywanan ser û pare kerd ke eke wina dewam bikero ê nêeşkenê nê karî bikerê. Heyetê HDPyî agêra merkezê şaristanî û do zîyaretanê xo rê uca de dewam bikero.