Hetkara Hemserekanê Pêroyîyan ê HDPyî yê Komîsyonê Şar û Bawerîyan ra Berpirsîyare Tulaye Hatîmogullari bi wesîleya Roja Romanan a Dinya eşkerayîyêke weşanaye.

Eşkerayîye de wina ame vatene: ''Roman xizan yenê verdayene û raştê nîjadperestî û cîyakerîye yenê. Seba ke ziwanê romanan (Romanes, Domarî, Lomavren) û kulturê înan nêşinasîyeno, romanî nêeşkenê bi ziwanê xo qisey bikerê.''

Tulaye Hatîmogullari bale ante meseleyanê perwerde, kar, weşîye yê romanan ser û îfade kerd ke seba ke meseleyê romanan nêrê çareserkerdene romanî raştîyê cîyakerîye yenê. Eşkerayîye de ame waştene ke ganî pêro astengîyê vera romanan bêrê wedaritene û paştî bêra dayene romanan.

HDPyî peynîya eşkerayîye de 8ê Nîsane Roja Romanan a Dinya fîraz kerde.