Komîsyonê Şaran û Bawerîyan ê HDPyî bi eşkerayîyêke Roşanê Akîtûyî yê asûrî û sûryanan fîraz kerd û waşt ke wa no roşan bibo wesîleya haştî û azadîye.

Eşkerayîye de ame vîrvistene ke no roşan yeno manaya dîyayîşê wisar û bereketî û ame vîrvistene ke polîtîkayanê înkar û teda yê dewleta tirke ra Roşanê Akîtûyî wextêkê dergî nêamebi fîrazkerdene.

Eşkerayîye de wina ame vatene: ''Asûrî û sûryanîyî bi xoverdayîşê pîlî wayîrê roşanê xo vejîyayî. Asûrî û sûryanîyê ke wextê Qirkerdişê Seyfoyî de û dima nufusê înan kêm bibi nika 1ê nîsane de welatanê xo û dîaspora de roşanê xo fîraz kenê. Ganî Roşanê Akûtîyî serê erdê azadî de bêro fîrazkerdene. Seba ke şarî bawerî, kultur û nasnameyanê xo reyde bi azadî biciwîyê ma do têkoşînê xo rê dewam bikerê. Ma hêvîdar ê ke roşanê Akîtûyî do bibo wesîleya azadî, bereket û haştîye.''