Wekîla HDPyî ya Agirî Dîrayete Dîlan Taşdemîr seba ke 21ê Adare Newroze bibo tehtîlo fermî vernîyaz da Meclîsî.

Taşdemîre qiseykerdişê xo de pare kerd ke Newroze sere de seba kurdan seba şaranê Rojhelatê Mîyanênî û Mezopotamya  roja roşanî ya. Taşdemîre vist vîrî ke Newroze bi serran ameye qedexekerdene, Newroza Cizîre ya 1992yî de merdimî ameyî qetilkerdene û Newroza Amedî ya 2017î de zî Kemal Kurkut ame qetilkerdene.  

Taşdemîre pare kerd ke ganî Newroze bi azadî bêra fîrazkerdene û waşt ke roja Newroze 21ê Adare biba tehtîlo fermî.