Hetkara Hemserekîya Pêroyî ya HDPyî ya Komîsyonê Şaran û Bawerîyan ra Berpirsîyare Tulaye Hatîmogullari serrgêra Pogromê 6-7ê Êlula 1955î de eşkerayîyêke daye. Eşkerayîye de ame parekerdene ke Pogromê 6-7ê Êlule dewamê qirkerdişê armenî, rûm û armanîyan bi.

Eşkerayîye bi kilmî wina ya: ''Serekê verênî yê Dayîreyê Şerê Taybetî û Sekreterê Pêroyî yê Heyetê Asayîşê Mîlî Sabrî Yîrmîbeşogluyî vatbi '6-7ê êlule xebata Şerê Taybetî ya. Rêxistinbîyayîşêko xurt bi û resa armancê xo.' No vate eşkera keno ke pogrom sey polîtîkaya dewlete kewte dewre.

Nê hêrişî mojnenê ke meseleyê komelkî, krîzê sîyasî û ekonomîkî senî ameyî nimnayene û nîjadperestî û dişmenîya vera kesanê bînan senî şuxilîyayî. Sey nîjadperestîya ewroyîne ya vera kurdan vate û sûcê nefretî vera şar û bawerîyan dewam kenê. Ganî dewlete nê kerdişan de têrî biba, zerarê madî û manewî tazmîn bikera ke heta nika semedê ney gamêke nêeşta. Ganî kiştoxî bêrê cezakerdene, kesê ke merdî û dest nîya malanê înan ser, bêrê tesbîtkerdene û tazmînat bêro dayene mexdûran.''