HDP: Wa cigêrayîşê îstîsmarê domanan bêro kerdene

Wekîlê HDPyî Alîcan Onluyî bale ante ser ke derheqê babeta îstîsmarê domanan de tebdîrî û qanûnî qîm nîyî û waşt Meclîs cigêrayîşê nê îstîsmaran bikero.

Wekîlê HDPyî yê Dêrsimî Alîcan Onluyî waşt ke seba ke îtîsmarê domanan bêrê cigêrayene cigêrayîşê Meclîsî bêro akerdene.

Onluyî semedê cigêrayîşê xo de ca da raporê Komîyonê Heqanê Domanan ê Baroyê Riha û vat: ''Serra 2019î de 894 domanî seba ke maruzê îstîsmarî û tecawuzî mendî înan rê avûkatî ameyî dayene. Nê 894 domanan ra serrê 842 kesan mabênê 4 û 18î de yê. Înan ra 662 kesî kêna yê û 180ê ci zî laj ê. ''

 Onluyî vist vîrî ke babeta îstîsmara domanan de qanûnî û tebdîrî qîm nêkenê. Onluyî waşt ke seba ke nê îstîsmarî bêrê cigêrayene, peygoşîyî bêrê eşkerakerdene, tebdîrê pawitoxî bêrê girewtene Meclîs de cigêrayîş bêro kerdene.