Hemrayanê rojnamegeran Cîhane Bîlgîn û Nazim Daştanî yê ke 19ê kanûne de Rojawan de netîceya hêrişê hewayî yê dewleta tirke de şehîd bîyî, vat ê do vera hêrişanê dewleta tirke bêveng memanê û vera zêdîyayîşê hêrişan têkoşînê xo girdêr bikerê.

Vervatoxa Yewîya Çapemenîya Cinîyan (YRJ) Rojnamegere Arîne Sîwêd: ''Hemrayanê ma Cîhane û Nazimî prosesê zehmetî yê Rojawanî de cehphe dê têkoşîn kerd, serkêşê demê zorî bî. Hêrişê wehşî yê dewleta tirke dinya rê dayî eşnawitene. Bi kamerayanê xo qala xoverdayîşî kerde û bi xeberanê xo tarîx de notî nuştî. Seba ke qetilkerdişan û polîtîkayanê qirkerdişî ramojnê ganê xo da. Fedakarîya girde kerde. Ma do kameraya hemrayanê xo erde meverde. Şehadetê înan do bibo sondê ma yê qesasî.''

Rojnameger Zinar Cafer: ''Herêma ma de vera merdimîye sûc yeno kerdene. Di hemrayanê ma ke hêrişê wehşîyî yê dewleta tirke û propagandaya dewleta tirke deşîfre kerdêne ameyî hedefgirewtene. Wird hemrayanê ma zî seba ke heqîqetê Şorişê Rojawanî bidê eşnawitene keda girdê daye. Bi kamera û qelamanê xo bîyî vengê heqîqetî. Hemrayê ma Cîhane û Nazim wa rehet rakewê, hemrayê înan do wayîrê keda înan bivejê û xeyalanê înan bîyarê ca.''

Endama Heyetê Rayberdişî ya Yewîya Çapemenîya Azade (YRA) Rojnameger Evîne Îbrahîm: ''Bi desan hemrayê ma hetê dewleta tirke ra ameyî hedefgirewtene. Dewleta tirke kedkaranê çapemenîya azade sey tehlukeyî vînena. Hemrayê ma Cîhane û Nazim şahîdê ganî yê xoverdayîşê Awbendê Tişrînî û Pirdê Qereqozaxî bî û no xoverdayîş dayêne eşnawitene. Ma do vera her hêrişî dahîna zaf têkoşîn bikerê û vera dewleta tirke milê xo çewt nêkerê. Ganî vera nê hêrişan ke sûcê şerî yê têkoşî bêro xurtkerdene.''

Muxabîrê Ajansê Xeberan ê Hawarî (ANHA) Rênas Remo: ''Dewleta tirke tim Rojawan de rojnamegeran hedef gena.Seba ke rojnamegerî vengê Şorişê Rojawanî danê eşnawitene yenê hedefgirewtene. Rojnamegerî bîyî vengê şaranê Rojawanî. Wayûbiratîya şaran dinya rê daye eşnawitene û paradîgamaya Netewa Demokratîke dinya rê daye nasdayene. Dewleta tirke wazena heqîqetê herême wa mereso şaranê dinya.''