Derheqê Hemsereka Komeleya Kultur, Yewîye, Paştdayîş û Hetkarîye yê bi Keyeyanê ke Dergûşê Medenîyetan de Merdimê Xo Vînî Kerdî (MEBYA-DER) Yuksele Almas de bi îdîaya endamîya rêxistine dewa amebî akerdene. Roniştişê bire Mehkemeya Cezaya Girane ya Amedî de ame kerdene.

Almase bi rayîrê SEGBÎSî tewra roniştişî bîye. Almase îfade kerd ke a endam û îdarekara MEBYA-DERî ya û 1995 de mêrdeyê ci dinyaya xo bedilnaya. Almase bale ante ser ke dejo ke ame aye ser a nêwazena bêro sereyê kesê bînî ser.

Heyetê mehkeme cezaya zîndanî ya 10 serran daye Almase û waşt ke wa rewşa tepiştetîye ya Almase dewam bikera.