Hemserekê DEM Partî: Serra newîye wa şarê ma rê fîraz biba

Hemserekanê Pêroyîyan ê DEM Partî Tulaye Hatîmogullari û Tuncer Bakirhanî bi eşkerayîyêke serra şaran a newîye fîraz kerde.

HEMSEREKÊ DEM PARTÎ

Hemserekanê Pêroyîyan ê DEM Partî Tulaye Hatîmogullari û Tuncer Bakirhanî bi eşkerayîyêke serra şaran a newîye fîraz kerde.

Hemserekan wina vat:

''Ma qerardar ê ke serra 2025î bikewê serra haştîye û yewîye. Serra newîye pêro şaran rê fîraz biba.

Ma serrêke xo pey de verdaye ke şaranê dinya, Rojhelatê Mîyanênî û Tirkîya seba azadîye, têdûştîye, nan û edaletî tede bedelê giranî dayê. La heman wextî de paştdayîş û têkoşîn zî hetê şaran ra ameyî pîlkerdene. Ma vera tecrîd, şer, krîzê ekonomîkî û cîyakerîye bi qerardarî xo ver da û mîyanê pêro şert û mercan de zî waştişê cuya azade pawit.

Ma hê bi hêvîyan kewenê serra 2025î. Ma do bi sîyasetê xo bingeyê kede, têdûştîye û paştdayîşî de têkoşînê xo seba ameyoxêkê edîl û şerî dewam bikerê.

Ma do sere de seba çareserîya meseleya kurdan seba pêro meseleyan dîyalog û muzakereyan aver berê. Ma do tim bibê vengê bindest, ciwan, cinî û kedkaran.

Ma qerardar ê ke serra 2025î bikerê serra hêvî û haştîye. Seba Tirkîya û herême hinî wext wextê haştî, demokrasî û yewîye yo. Ma do ney bîyarê ca. Ma serra newîye fîraz kenê. Ma serra newîye rê haştîye, azadîye û şayîye wazenê.''