Hemsereka HDPyî ya Eskîşehîrî Şukrîye Ercan seba ke Newroze de qisey kerdo ameye destbendkerdene. Wextê destbendkerdişî de Ercane rê no çi ame perskerdene: ''Têkilîya şima ya bi Mazlûm Dogan, Çayan û Gezmîşî çita ya?''
Hemsereka HDPyî ya Eskîşehirî Şukrîye Ercan vengdayîşê Hêzanê Demokrasî û Kede yê Eskîşehîrî 12ê sibate de çalakîya vera zeman de qisey kerd. 23ê adare de seba ke derheqê çalakîye de venga Ercane dîya ke wa îfade bida.
Ercane wexto ke şîyêne Şubeya Asayîşî polîsan a destbend kerde û berde şube. Îfade de Ercane seba qiseykerdişê xo yê Newroze ameye sûcdarkerdene. Goreyê zanayîşanê ke ameyê girewtene Şukrîye Ercan qiseykerdişî xo ra bi 'propagandaya rêxistine' ameye sûcdarkerdene.
Dîya zanayene ke Ercane rê nê persî ameyî perskerdene: ''Têkilîya şima ya bi Mazlûm Dogan, Mahîr Çayan û Denîz Gezmîşî çita ya? Keyeyê şima de çew karanê PKK-KCKyî ra ameyo destbendkerdene?''
Ercane îfade ra dima vera dîyaye.
