Hemserekê Pêroyî yê Partîya Newe ra Ronîyayîşî ya Sosyalîste (SYKP) Cavît Ugurî derheqê deklarasyonê HDPyî de ANFyî rê qisey kerd.

Ugurî vist vîrî le weçînayîşê hezîrana 2015î ra nata sosyalîst û pêro hêzê sosyalîsî bedelanê giranan danê la hînî berê rijîyayîşê AKP-MHPyî abîyo. Ugurî pare kerd ke HDP Tirkîya de wayîrê sîyasetê demokratîkî yo û mîyanê şaranê Kurdîstan û Tirkîya de wayîrê hêzê girîngî yê sîyasî yo.

Cavît Ugurî vat: ''Ê nêeşkayî HDP pê operasyonan û teda çin bikerê. HDPyî deklarasyonê xo de waştişê pêro nasnameyan hûmaritê û ca dayo înan. Deklarasyonê HDPyî de îtîfaqê şaran yeno pêşnîyazkerdene. Ne îtîfaqê Miletî ne zî îtîfaqê Cumhurî semedê awankerdişê cepheyê hîrêyînî îtîfaqê şarî yeno awankerdene. HDP parlamento de do temsilîyêka winasêne awan bikero ke her kes do qebul bikero. Weçînayîşê verê ma de ma do ney bivînê.

HDPyî deklarasyonê xo de vat ke ê wazenê meseleya kurdan pê rayîranê demokratîkan çareser bikerê. Semedê alternatîfêkê demokratîkî ma venga pêro komel û partîyanê sîyasîyan danê ke ma eşkenê pîya ronişê. Semedo e komel bêro xo ser û ma nê kabusî ra bixelisê HDP Tirkîya de semedê şaranê bindestan roşnîya hêvî ya.''