Weqfê Heqanê Merdiman ê Tirkîya (TÎHV) derheqê raporê çimdarîye yê Komîteya Vera Îşkenceyî ya Neteweyanê Yewbîyayeyan de yo ke badê roniştişanê 17,18ê temmuze derheqê Tirkîya de ame hazirkerdene, kombîyayîşê çapemenîye kerd.

Kombîyayîşo ke Komeleya Heqanê Merdiman (ÎHD) ya Îstanbulî de ame kerdene xeylêk pawitixo heqan tewrê ci bîyî. Detayê raporî hetê serekê TÎHVyî  Metin Bakkalciyî ra ameyî eşkerakerdene.

Rapor de komîte Tirkîya rê 65 pêşnîyazî kerdî û vat  îşkence û muameleyê xirabî çend şino zêdîyenê ke ma qesawet kenê.

Komîte bale ante cezaya muebetê giranî ser û vat:'' Ganî tepişteyê ke cezaya muebetê giranî dîyaya ci badê wextêkê mekulî bêrê tehlîyekerdene.''

Komîte vist vîrî ke heqê pêvînayîşî yê keye û avûkatan ê Rayberê Şarê Kurdî Abdullah Ocalan , Hamili Yildirim, Omer Hayri Konar û Veysî Aktaş ê ke Zîndanê Îmraliyî de yenê tepiştene, bi cezaya dîsîplînî yeno binpaykerdene û vat na bêhuqûqîye nîna qebulkerdene.

Metîn Bakkalciyî vat: ''Ganî Tirkîya heta 26ê temmuza 2025î cewab bido komîte. Tirkîya mecbura ke berpirsîyarîya xo bîyaro ca.‘‘