Hêrişê dewleta tirke yê vera Rojawanî dewam kenê. Dewleta tirke ya îşxalkere Kobanê de sîvîlêk birîndar kerd, Til Temir de pê obusan hêriş kerd.

Artêşa tirke ya îşxalkere hêrişê dewa Bobanî yê Kobanê kerd. Netîceya hêrişî de Fewaz Osê (31) yo ke guleyêkî  îsabetê ci kerd, birîndar bi. Dîya zanayene ke Fewaz Osê gama ke verê berê xo roniştêne raştê hêrişî ame. Ferhad Osêyî ke birayê xo  Fewwaz Osêyo birîndar berdêne nêweşxane ey zî qeza kerd û sereyê ci ra birîndar bi. Wird birîndarî Nêweşxaneyê Emelî yê Kobanê de  yenê  tedawîkerdene.  Goreyê selahîyetdaranê nêweşxaneyî rewşa wird birayan zî giran a.

Dewleta tirke ya îşxalkere pê obusan hêrişê dewa Eboşî ya Til Temirî kerd. Derheqê hêrişî de zanayîşo hîra nêame girewtene.