Qezaya Peyasî ya Amedî de serêkşîya DBP, TJA û DEM Partî de vera hêrişê îşxalî yê dewleta tirke yê vera Rojawanî çalakîya protestoyî ameye kerdene. Eşkerayîya ke verê banê DEM Partî de ameye kerdene pankartê “Rojava rûmeta me ye” ame akerdene.

Hemserekê DEM Partî yê Bajarî Mehmet Şirin Burbuzî  ard ziwan ke Rojawan semedê waştişê azadîye û demokrasîyî yê şaran yeno hedefgirewtene û vat: ''Ganî heme hêzê demokrasî û reyapêroyîya mîynneteweyîye vera hêrişanê vera Rojawanî vengê xo vejo. Bêvengmendiş dahîna zaf verê qirkerdişan û sûcanê şerî akeno. Coka ma veng danê her kesî ke wa wayîrê modelê cuyeya demokratîk-azade bivejo.''

Qezaya Nisêbînî ya Mêrdînî de zî hêrişê îşxalî ameyî protestokerdene û nobeta roniştişî ameye destpêkerdene.

Wekîlanê DEM Partî Onur Duşunmez, Ali Bozan û Aytene Kordu zî te grûbêke serê sibayî esnafî zîyaret kerdî û semedê wayîrvejîyayîşê Rojawanî veng da. Dim ara bi seyan kesî verê Şînxaneyê Newroze de ame têhet û heta Meydanê Newroze bi slogananê "Bijî berxwedana Rojava", "Rojava dile me, berxwedana kare me" û "Şarê Rojawnaî têna nîyo " rayra şi. Çalakîye de pankartê "Bi rihê seferberîye em ê şoreşa Rojava biparezin" ame akerdene. Wekîlanê ke tîya qisey kerd bale ante muhîmîya Rojawanî ser û vat: ''Rojawan semedê kurdan meseleya anorî ya. Rojawan semedê kurdan meseleya nasname ya. Rojawan semedê kurdan meseleya estbîyayîş û çînbîyayîşî ya.''

Badê eşkerayîye verê Merkezê Kulturî yê Mîtannî de yo ke sînorê Qamişloyî de yo, bi sloganan nobete dîyaye destpêkerdene.

Reyna Sêrt, Bêdlîs û Erzirom de zî hêrişê îşxalî yê vera Rojawanî ameyî protestokerdene. Qiseykerdişan de ame vengdayene ke wa vera hêrişanê îşxalî têkoşîn bêro xurtkerdene.