Fransa û Danimarka de hêrişê îşxalî yê dewleta tirke yê vera Rojawanî ameyî şermezarkerdene.

Paytextê Fransa Paris de  bi vengdayîşê Konseya Kurdanê Demokratîkan ê Fransa  (CDK-F) û Têgêrayîşê Cinîyan ê Kurdan ê Fransa (TJK-F) kurdî û dostê înan semedê pawitişê Rojawanî vejîyayî kuçeyan. Çalakîye de bêvengîya vera hêrişanê dewleta tirke ameye şermezarkerdene û mesajê xurtkerdişê têkoşînî ameyî dayene.

Bajarê Marsilya yê Fransa de zî bi eynî waştişî serkêşîya Têgêrayîşê Ciwanan ê Şorişgêran û TEV-ÇANDî de çalakîye ameye kerdene.  Çalakwanan veng da hêzanê mîyanneteweyîyî ke semedê vindarnayîşê şerî wa şirê Tirkîya ser.

Paytextê Danimarka Kopenhag de zî verê konsolosxaneyê tirkî de serkêşîya PYDyî de hêrişê îşxalî yê dewleta tirke yê vera Rojawanî ameyî şermezarkerdene. Çalakîye de ame vîrvistene ke dewleta tirke sivîlan qetil kena û semedê wayîrvejîyayîşê Rojawanî ame vengdayene.