Bajarê Dusseldorfî yê Almanya û bajarê Marsilya yê Fransa de bi çalakîyan hêrişê dewleta tirke yê vera gerîlayan ê ke bi çekanê kîmyewîyan yenê kerdene û bêvengîya Ewropa ameyî şermezarkerdene.

Dusseldorf de serkêşîya Yewîya Cinîyan a Kurdan (YJK) de stand ame akerdene û derheqê hêrişê kîmyewîyî de zanayîş ame dayene. Çalakîye seba ke Rêxistina Qedexekerdişê Çekan ê Kîmyewîyan (OPCW) rê bêrê şawetene îmzayî ameyî arêdayene.

Marsilya de zî serkêşîya Têgêrayîşê Ciwanan ê Şorişgêran (TCŞ) dewleta tirke ameye teşhîrkerdene ke çeka kîmyewîye şuxulnena.  Rayraşîyayîş de xoverdayîşê gerîlayan ame selamkerdene veng dîya dezgehanê eleqedaran ê Ewropa ke wa vera sûcanê şerî yê dewlete tirke bêveng memanê.