Dewa Xirbêkûrî ya herêma Mawa ya qezaya Heskîfî ya Êlihî de 18ê hazîrane de hêrişê îşxalî dîya destpêkerdene.

Dîya zanayene ke saetanê şewe de pêkewtişan dest pêkerd û dekewtiş û vejîyayîşê dewa Xirbêkûrî ameyî qedexekerdene. Reyna înternet û telefon zî ameyî birnayene û tekîlîya dewe bi teberî ame birnayene.

Goreyê zanayîşanê ke ameyî girewtene herême de gêrayîşê helîkopteran dewam keno. Walîtîya Êlihî da eşnawitene ke qedexeyê dekewtiş û vejîyayîşê dewe do heta 3ê temmuze dewam bikero.