Xoşnav Atayo ke 355 rojî yo verê OPCWyî de edaletî wazeno dîyar kerd ke hêvîya ey dewletan ra ney şaran ra est a û vat: ''Ma sey kurdan û dostanê kurdan vengê xo yew bikerê û vera çekanê kîmyewîyan têbigêrê.''
Çalakîya Xoşnav Atayî ya vera hêrişanê kîmyewîyan ê dewleta tirke verê Rêxistina Qedexekerdişê Çekanê Kîmyewîyan (OPCW) de dewam kena.
Atayî vizêr çalakîya xo de ard ziwan ke dewletê mîyanneteweyî vera sûcanê şerî yê dewleta tirke vengê xo nêkenê û vat: ''193 dewletan OPCW nabi ro. La OPCW goreyê menfaetanê nê dewletan têgêreno. Çar dewletan Kurdîstan parçe kerd. Coka hêvîya mi dewletan ra ney şaran ra est a. Ganî ma sey kurdan yewîya xo awan bikerê. Ganî kurdî vera şuxilîyayîşê çekanê kîmyewîyan bi mesuldarî têbigêrê.
Şarê Ewropa şarêko hişyar û zerzîz o. Ganî kurdan û dostanê kurdan bibê yew û vera çekanê kîmyewîyan têbigêrê.''
