Badê vengdayîşê tarîxîyî yê Rayber Apoyî yê 27ê sibate mabanê endamanê Heyetê Îmraliyî yê DEM Partî Pervîne Buldan û Sirri Sureyya Onder û Serekê Pêroyî yê AKPyî û Serekkomarê Tirkî Recep Tayyip Erdoganî de pêvînayîş ame kerdene. Badê pêvînayîşî Heyetê Îmraliyî eşkerayîye daye.

Eşkerayîye de nê ameyî vatene: ''Pêvînayîşê bi Serekkomarê Tirkî Recep Tayyip Erdoganî zaf pozîtîf ravîyart û derheqê ameyoxî de hêvî zafêr kerd.

Muhîmîya nuqtaya ke proses tede yo ame teyîtkerdene û wird hetan zî merhaleyê badê  nê demî erjnayî. Ame îfadekerdene ke demêko tede şîdet û pêkewtiş çînê, warê demokratîk û sîyasî hêzdar bîyî semedê welat, hemwelatîyan û herêma ma zaf muhîm o.

Heyetê ma û partîya ma prosesê verê ma de do bi îradeyê dahîna hêzdarî seba ke Vengdayîşê Haştîye Komelê Demokratîkî bêro caardene xebatanê xo bidomnê. Ma welatê xo rê danê eşnawitene ke ma vizêrî ra zafêr hêvîdar ê.

Ma heme partîyanê sîyasîyan û hetanê komelkî rê sipas kenê ke bi pêşnîyaz, hîşyarî û rexneyanê xo paştî daye prosesî.