Heyetê Îmraliyî yê DEM Partî Herêma Federe ya Kurdîstanî de pêvînayîşê xo temam kerdî. Heyetî pêvînayîşo peyên bajarê Hewlêrî yê Başûrê Kurdîstanî de Serekê Herêma Federe ya Kurdîstanî Mesrur Barzanî reyde pêvînayîş kerd.

DEM Partî derheqê pêvînayîşî de eşkerîye daye û nê vatî:

''Heyeto ke  endamê Heyetê DEM Îmraliyî Pervîne Buldan û Sirri Sureyya Onder, Hemserekê Pêroyî yê DBPyî Keskîn Bayindir, Vervatoxê ma yê tekîlîyanê teberî Berdan Ozturk, parlementerê ma Gulcan Kaçmaz Sayyigit û Mehmet Kamaç û avûkatê Bûroyê Huqûqî yê Asrinî tede ca genê pêvînayîşê xo yê Başûrê Kurdîstanî temam kerdî.

Heyetî ewro Hewlêr de Serekê Herêma Federe ya Kurdîstanî Mesrur Barzanî reyde pêvînayîş kerd. Pêvînayîşo ke banê serekîye de ame kerdene hende 45 deqayan kerd derg. Heyetê Îmraliyî derheqê pêvînayîşanê bi Birêz Ocalanî de zanayîş da û fikr û pêşnîyazê Barzanîyî yê derheqê prosesî de girewtî.

Heyetî ke pêvînayîşê xo qedînayî ewro do agêro Tirkîya.''