Goreyê eşkerayîya Komîteya Vergirewtişê Îşkenceyî (CPT) mabênê tarîxanê 11-25 de şîyo Tirkîya û xeylêk zîndan û merkezanê destbendkerdişî de cigêrayîşî kerdê. CPTyî da zanayene ke ê nêşîyê Îmraliyî la înan seba ke bizanê pêşnîyazê Îmraliyî ameyî caardene yan nê selahîyetderan reyde zî kombîyayîşî kerdî.

CPTyî eşkerayîye de vat ke cigêrayîşan de nêzdîbîyayîşê vera destbendkerdeyan, rewşa tepişteyan ameyî nîqaşkerdene. 

Serekê Heqanê Merdiman ê Tirkîya û Dezgehê Têdûştîye Suleyman Arslanî pê wasfê Serekê Mekanîzmaya Averşîyayîşê Neteweyî çarçewa Protokelê Îhtîyarî ya Peymana Têkoşînê vera Îşkenceyî (UOM) de temsîlkaranê dezgehanê komelê sivîlî reyde kom bi. Peynîya zîyaretî de heyetî çimdarîyê xo yê verênî verî meqamanê tirkan rê pare kerdî.

Mîyanê heyetê CPTyî de Serek Mykola Gantovskyy, Hetkaran Therese Rytter, Ajordje Alempievic, Nico Hirsch, Julia Kozam, Ceyhun Qaracayev, Hans Wolff, Sekreter Elvîne  Aliyve ca girewt.

Heyet qereqolê Amed, Anqara, Îstanbul, Ataşehîr, Bagcilar, Yenîbosna, Umraniye, Gayrettepe, Maltepe, Kuçukyali, Kayserî û zîndanê Bakirkoy, Amed, Maltepe, Metrîs, Kayserî zîyaret kerdî.