Hêzanê kede û demokrasîyî bi tewrbîyayîşê Hemserekê Pêroyî yê HDPyî Mîthat Sancarî Anqara de kombîyayîşê çapemenîye kerd û paştî daye HDPyî.

Kombîyayîşo ke temsîlkarê 45 dezgehan tewrê ci bîyî de verî Hemserekê Pêroyî yê ÎHDyî Ozturk Turkdoganî qisey kerd.

Ozturkî ard ziwan ê semedê demokrasî û heqanê merdiman paştî danê HDPyî ke heqê xo yê  sîyasetî bişuxulno û vat: ''Ma herême û walatê ma de dewrêkê tarî ra ravêrenê. Tirkîya de muxalefet ameyo hepskerdene. Zîndanan de heqê esasî yê tepişteyan yenê binpaykerdene.  Seba ke îqtîdar sere de meseleya kurdî heme meseleyan pê zext û kontrolî geno dest taployêko wîna wahîm vejîyayo werte. Waştişê qefilnayîşê HDPyî ma vera demokrasî û sîyasetê demokratîkî sey yew darbe û vera Tirkîya  sey xirabîya vînenê. Ma veng danê heme hêzanê demokrasîyî ke wa paştî bidê HDPyî.''

Dima ra temsîlkaranê dezgehan qisey kerd û înan zî vera polîtîkaya hêrişkare ya îqtîdarî nêrazîbîyayîş ramojna û ard ziwan ke ê semedê demokrasî û heqanê merdiman paştî danê HDPyî ke heqê xo yê  sîyasetî bişuxulno.

Hemserekê Pêroyî yê HDPyî Mîthat Sancarî zî bale ante ser ke azadîye pê têkoşînê hemparî bena vat: ''Wazenê ke şexsê HDPyî de sîyasetê demokratîkî çîn bikerê. Waştişê demokrasî û haştîye yeno hedefgirewtene. Vera nê îqtîdarê zalimî ganî ma têkoşînî pîlêr bikerê. Vera şer, şîdet û talanî cewabo tewr pîl têkoşîno hempar ê şaran o. Ewro ganî têkoşînê azadîye de pelêko newe bêro akredene. Îqtîdar huqûqî binpay keno. Rixmo ke mehekeme qerarê serbesveradayîşê Omer Faruk Gergelîogluyî dayo vera nêdanê. Ma tîya ra reyna azadîya Gergerlîoglu û heme embazanê xo yê ke têkoşînê demokrasîyî de ameyî tepiştene, wazenê. Pê têkoşînê hemparî do no zulim miheqeq biqedîyo.''

Kombîyayîş hetê nê dezgehan ra ame organîzekerdene: “Federasyona Bektaşî Elewî, Federasyona Komeleyên Elewî, Komeleya Çandê ya Elewiyan, Helwdana Azadiya Ramanê ya Enqereyê, Komeleya Li Dijî Darbeyên Leşkerî, Partiya Şoreşger a Yekgirtî, Komeleya Rojnamevanan a Hemdem, Komeleya Hiqûqzanên Hemdem, Komeleya Demokratîk a Elewiyan, Platforma Komeleyên Rojhilat û Başûrrojhilat, Koordînasyona Komeleyên Xwecihî ya Demokratîk, Ji bo Yekîtiyê Demokrasî, Partiya Herêmên Demokratîk, Konfederasyona Sendîkayên Şoreşger a Karkeran, Federasyona Şoreşgerên 78’an, Federasyona Komeleyên Dersimê, Partiya Karkerên Şoreşger û Sosyalîst, Grûpa Diyalogê, Hewldana Li Dijî Sûcê Ramanê, Partiya Kedê, Partiya Sosyalîstan a Bindest, Partiya Tevgera Kedê, Yekîtiya Ekolojiyê, Malên Gel, Kongreya Demokratîk a Gelan, Weqfa Çandê ya Haci Bektaşî Velî ya Anatoliyê, Platforma Maf û Edaletê, Komeleya Çandê ya Hubyar Sultan Alevî, Komeleya Mafê Mirovan, Konfedarasyona Sendîkayên Kedkarên Cemaweriyê, Federasyona Komeleyên Xwecihî ya Kizilirmak, Komeleya Hiqûqnasên Ji Bo Azadiyê, Komeleya Çandê ya Pîr Sûltan Abdal, Partiya Kedkarên Sosyalîst, Federasyona Meclîsên Sosyalîst, Partiya Avakirina Jinûve Sosyalîst, Platforma Piştevaniyê ya Sosyalîst, Partiya Çep, Yekîtiya Odeyên Endezyar û Avahîsazan a Tirk, Weqfa Mafê Mirovan a Tirkiyê, Partiya Karkeran a Tirkiyê, Partiya Civakî ya Azadî, Partiya Çep a Kesk, Hewldana Welatî, Hewldana 78’an.”