Merkezê Îrtîbatî û Çapemenîye yê HPGyî nsnameyê 3 şehîdan eşkera kerdî. Eşkerayîye wina ya:

‘’Embazê ma Heqî, Zinar û Rêber 18ê çeleyê 2025î de hêrişê dewleta tirke ya îşxalkere de şehîd bîyî. Embazanê ma bi fedakarî têkoşîn kerd, pêro mesuldarîyê xo ardî ca û wina tarîxê têkoşînî ser a nameyê xo sey milîtananê Apogîran ê fedayîyan nuştî.

Ma sere de keyeyanê înan ê ercîyayeyan rê pêro şarê Kurdîstanî yê welatperwerî rê serweşîye wazenê. Ma soz danê ke  xeyalê şehîdanê xo Kurdîstanê Azadî û Rayberîya Azade bîyarê ca.

Nasnameyê embazanê ma yê şehîdan wina yê:
 

Embazê ma Heqî Amed de dadîya xo ra beno. O hema domanîya xo de mesuldarîya keyeyî gêno xo ser. O tim beno sempatîzanê gerîlayan û 2014 de verê xo dano koyan. Embaz Heqî kesayetê fedayîtî tim xo rê keno nimûne û xo aver beno. O tewrê Hêzanê Taybetan beno û Zap de têkoşîn keno. O tunelanê şerî de û mîyanê tîmanê hereketînan ê erazî de şer keno û pêro erkanê xo bi layîqî ano ca.

Embazê ma Zinar Babê Rojawanê Kurdîstanî de dadîya xo ra beno. O ciwanîya xo de tewrê Şorişê Rojawanî beno û 2020 de zî Rojawanî ser a tewrê refanê têkoşînî beno. O Zap de tewrê refanê xoverdayîşî beno û tîya de kedêka pîle dano. Embazê ma qetî kesayetê xo ra tawîz nêdano, şexsê xo de mojneno ra ke îradeyo Apogîr do nêro binvistene. Embazê ma Zinar bi tewirê xo yê zelalî û embazîya xo ya samîmîye tim do vîran de bibo.

Embazê ma Rêber Amed de dadîya xo ra beno. O domanîya xo de partîya ma şinasneno û beno sempatîzanê gerîlayan. Embazê ma 2021 de Amedî ra verê xo dano koyan. O Vakur de perwerde vîneno, dima zî derbazê Herêmanê Pawitişî yê Medya beno. Embazê ma Rêber Zap de têkoşînê xo aver beno. O mîyanê tîmanê hereketînan de performansêkê xurtî mojneno û beno wayîrê pratîkêkê serkewteyî. Embazê ma peyê xo de mîrasêkê pîlî verdeno.’’