Nê wextî de ke têgêrayîşê DAÎŞî zêdîyayê Kampa Holî de Hêzanê Asayîşê Zereyî, QSD û YPJyî operasyonêkê asayîşî da destpêkerdene.

Hêzanê Asayîşê Zereyî bi eşkerayîyêke da zanayene ke kampe de xîretê remnayîşî yê çeteyanê DAÎŞî zêdîyayê û DAÎŞî kaosê herême ra rêxistinî û têgêrayîşê xo zêdînayê. 

Hêzanê Asayîşê Zereyî vat: ‘’Kampa Hole de bi des hezaran keyeyê çeteyanê DAÎŞî manenê coka kampe hema zî bitehluke ya. Kampe milê Îdareyê Xoserî de zî barêka giran a. Seba ke hêzanê mîyanneteweyîyan hetkarîye birnaye kampe de bêaramîye û krîzî vejîyenê. DAÎŞ kampe de domanan bi fikranê radîkalan weye keno. Hetê bînî ra merkezê hetkarîya merdimatîye zî beno hedefê hêrişanê DAÎŞî.

Hêzanê Asayîşê Zereyî, Hêzanê Asayîşê Zereyî yê Cinîyan, YPJ û QSDyî Kampa Holî de vera çeteyanê DAÎŞî operasyonêko newe da destpêkerdene. No operasyon vera tehdîtanê asayîşî ame kerdene. Çunke çeteyê DAÎŞî gêrenê ke hêrişanê neweyan bikerê. 

Ma do tim asayîşê herême û şarê ma bîyarê ca û heta ke pêro çimeyanê terorî biqedînê têkoşînê xo rê dewam bikerê.’’